Фрунзенская сельская библиотека

Ахсынньы 18 күнүгэр Фрунзе нэһилиэгэр кыраайы үөрэтээччи Охлопкова А. Е. «Төрүччүнү суруйуу туһунан» кэпсээтэ. Кини норуот ырыаһыта , олоҥхоһута Охлопков Егор Герасимович-Буоратай балта. Анна Егоровна икки улахан олоҥхоһут , Буоратай уонна Бэдьээлэ аймахтыыларын сырдатта. Архыыпка докумуон көрөрү, элбэх киһини көрсөн, кэпсэтэн  ахтыы хомуйары кэпсээтэ. Анна Егоровна 11 көлүөнэни чинчийбит. Онтон библиотекарь Макитова В.Н. Саха сиригэр улуустарынан бэчээккэ тахсыбыт төрүччүнү иһитиннэрдэ. Билиҥҥэттэн кырдьаҕастартан ахтыылары хомуйан, эдэр ыччакка кимтэн кииннээхтэрин билэр гына төрүччүнү дьаныһан үөрэтии барыахтааҕын туһунан  истибит дьон биир санааҕа кэллилэр.